ملخص للدرس الاول في الحغرافيا باللهجة الجزائرية

السلام عليكم


مسااء الخير خاوتشي (^.^)

اليوم خدمتلكم ملخص للدرس الاول في الحغرافيا باللهجة الجزائرية :

العالم ينقسم ل 2 اقسام عالم متقدم وعالم متخلف وباش نفرقوا بيناتهم ولا باش نعرفوا ادا دولة متقدمة ولامتخلفة كاين معايير يسموها معايير تصنيف الدول وتنقسم لاقسام مختلفة
كايين معايير اقتصادية اجتماعية ثقافية و الخ
ومن الناحية الاقتصادية نشوفو الاقتصاد الخاص بهده الدولة فمثلا ادا الدولة عندها صناعة تحويلية او استخراجية
الصناعية تحويلية نقصدوا بيها الدولة تحول المواد الاولية الى مواد مستهلكة والصناعة الاستخراجية وهادي نعتبروها دولة متقدمة
اما الدول المتخلفة تعتمد على استخراج المواد الاولية فقط كالبترول او الغاز ومتحولوش لمواد مستهلكة كيما الجزائر مثلا
في العالم المتقدم نسبة العمال في القطاع الصناعي والخدماتي مرتفع عكس دول العالم المتخلف تلقاهم كامل يخدموا فالزراعة
ونلاحظ ان الفرد في العالم المتقدم يستهلك ضعف مايستهلكه الفرد في العالم المتخلف ومستوى الترفيه عندهم يكون اكثر منا بكثير
ايضا كاين متوسط الدخل الوطني الخام فالولايات المتحدة الامريكية الدخل تاعها اكثر من 7000 مليار اما في كاش دولة متخلفة تلقاها اقل من 4مليار دولار
اما بالنسبة للمعايير الاجتماعية
في الدول المتقدمة راتب الفرد كبير بزاف فمثلا في امريكا تلقا العامل يخلص 60 مليون او اكثر في الشهر بينما في الجزائر تلقاه يخلص 4 ملاين
ونسبة الامية كبيرة بزاف في الدول المتخلفة عكس الدولة المتقدمة التي تكاد نسبة الامية فيها معدومة وهدا راجع لنسبة التمدرس
ونلاحظوا بلي فالدول المتقدمة يعيشوا بزاف وحد ال 78 سنة اما في العالم المتخلف يعيشوا اقل وحد ال 60 سنة وهدا راجع الى الاسباب الصحية والبيئة الغير ملائمة
في الدول المتقدمة نشوفوا فان الغداء نسبة السعيرات الحرارية كبيرة بزاف لي يستهلكها الفرد مقارنة بالدول المتخلفة يعني ماكاش كيفاه تديرالحديد ونتا تاكل اللوبيا كل يوم الله غالب
واللي يموتو فالدول المتقدمة اقل بكثير من الدول المتخلفة خاصة في الدول الافريقية .

بوون كوغااج (^_^)

اين التفاعل شباب